توفيق عكاشة: مراتي هتقع في الحمام

سخر الإعلامي المصري توفيق عكاشة من الخبر الذي تداولته بعض مواقع الأخبار عن قيام نجله باقتحام كمين شرطة لتلحق جارته بالطائرة، مؤكدا أن هذا الخبر ليس له أي أساس من الصحة.

عكاشة قال: «بعض المغرضين من الإعلام بيعملوا عليا حملات اليومين دول، لأنهم فكرني همسك منصب، ميعرفوش إنني زاهد زهد المتصوفين في هذا الأمر، فريحوا نفسكوا.. منزلين على الأنترنت خبر عن ابني، يعني مش أنا بس لأ وولادي كمان، الأفندية ميعرفوش إن ابني اتقلبت بيه العربية وكان معاه زمايله، وأصيب بارتجاج بسيط في المخ، وأنا مروحتش علشان أحضر مؤتمر وأقوم بواجبي الوطني».

وأضاف ساخرا –في برنامجه «مصر اليوم» على قناة «الفراعين»-: «أنا متخيل بقى إن الخبر الجاي: زوجة الإعلامي توفيق عكاشة وقعت في الحمام، فأنا بقولهم إن بكرة احتمال السيدة الدكتورة حرمي تقع في الحمام، السيراميك هيتكسر إنما هي مش هيجرالها حاجة، فمتنسوش تكتبوا الخبر ده، هتبقوا أخطأتوا في حق مصر».