لميس الحديدي تهاجم وزير الصحة

شنت الإعلامية المصرية لميس الحديدي هجوما حادا على وزير الصحة، بعد رفض أربعة مستشفيات عامة استقبال السيدات، اللاتي تعرضن للتحرش في ميدان التحرير.

لميس انفعلت على مساعد وزير الصحة للطب العلاجي، الدكتور هشام عطا، خلال مداخلته الهاتفية معها في برنامجها «هنا العاصمة» على قناة «CBC»، حيث قالت: «هو إيه شروط قبول مريض في المستشفى الحكومي»، فرد بقوله: «ليس هناك أي شروط»، فقالت: «غريبة.. إزاي 4 مستشفيات بدفع تمنها انا وانت من ضرايبنا متقبلش البنت وهي في حالة تكاد تموت؟!».

قال: «هذا الكلام غير مقبول، إحنا النهاردة بنتحرى عن الموضوع، وبكرة ان شاء الله هيبقى في تحقيق شامل في هذه الوقائع، وإحنا مش هنسيب الموضوع»، فاستطردت لميس: «في دكتورة قالت لها خلي السيسي ينفعك، ودكتور ملتحي قال مش هناخدها، أنا عايزة أعرف دول هيتعمل فيهم إيه؟!».

وأضافت: «وسيادة الوزير فين؟، بدل ما يروح يزور المريضة علشان يتصور معاها، كان يواجه المصيبة دي، ولا هو قاعد مستني خايف على كرسيه، ولو حضرتك عايز تشتغل من دلوقتي هتشتغل تستنى ليه لبكرة الصبح؟، إحنا عندنا ريس بيشتغل من الساعة 5 الصبح، وياريت تصحي وزير الصحة يشوف شغله».