دينا عصمت: تمنيت أن أكون رجلا في هذه اللحظة

روت الإعلامية دينا عصمت، مقدمة برنامج «هذا الصباح» على قناة «CBC اكسترا»، واقعة تحرش بفتاة رأتها بنفسها، دون أن يتدخل أحد لمساعدتها.

دينا قالت: «كنت متواجدة في شارع الخليفة المأمون، وكنا واقفين في إشارة، وحدثت واقعة تحرش بفتاة من قبل ثلاثة من المتحرشين، كان في أمين شرطة واقف وراح يخلص البنت منهم لوحده، والرجالة واقفين بيتفرجوا، وواحد منهم بيقول للتاني ساعدوه يا جماعة ده الراجل واقف لوحده ده هيتاكل».

وأضافت: «أنا كنت واقفة مستغربة، طب ما تروح تساعده، وفي بعض الشباب كانوا واقفين يصوروا بالموبايلات، يعني حاجة يندى لها الجبين، عايزين بقى رجولة ونخوة، الموقف كان غريب، كنت أتمنى أكون رجل في اللحظة دي».