محمد محيي يعتذر لآثار الحكيم

تضامن الفنان المصري محمد محيي مع الفنانة آثار الحكيم في قضيتها مع الفنان رامز جلال بخصوص برنامج «رامز قرش البحر».

محيي كان أحد ضحايا برنامج رامز، وعلق على ذلك قائلًا: «قال إيه مقلب وخفة دم وكده ويطلع أخونا النجم فرحان انه عمل كده فيك وقال بيحبك وعايز إيه نعملهولك وطبعا الكاميرات شغالة عشان يشوفوا رد فعلك ويتمنوا تشتم أو تضرب أو حتى ترفع قضية».

الفنان المصري أضاف: «الحمد لله كتمت إحساسي احترامًا للناس ولأني متعودتش أهين أو أكسف حد قصاد ناسه ومش هعمل حاجة لا قضية ولا صحافة ولا برامج نضيع بيها وقت الناس لأسباب كتيرة أولا إحساس الإهانة والخديعة ميسويش ملايين ولا مليارات وثانيا عشان محدش يقول ده عايز فلوس كمان وحاش له أن أتاجر بكرامتي وإحساسي».

محيي وجه رسالة لآثار وقال: «أستاذتي أثار الحكيم أشعر بكل إحساس ليكي مهما كان اختلاف الناس أو اتفاقهم معك فهم لم يمروا بما مررنا به واعتذر لك ولي ولكل جمهور لا يحب أن يضحك على خديعة غيره وحسن نيته أما الجمهور الذي يحب فاضحكوا من قلوبكم أستغفر الله لي ولكم».