عمرو أديب: علاقتي بفريق عمل «أهل إسكندرية» زي الزفت.. ولا أوافق على منعه

قال الإعلامي المصري عمرو أديب إنه إذا لم يتم عرض مسلسل «أهل إسكندرية» في رمضان القادم، سيتأكد من أنه تم منع عرضه، مؤكدا أن من منعه سيكون معروف.

أديب قال –في برنامجه «القاهرة اليوم» على قناة «اليوم»-: «لو المسلسل متعرضش يبقى اتمنع، وهيبقى معروف مين اللي منعه، أنا مبحبش لف ودوران في الحاجات دي، علمونا كده في الجريمة، الجريمة دايما فيها مستفيد هو اللي عملها».

وأكد أن علاقته بصناع العمل ليست جيدة، إلا أنه يتحدث عن المبدأ، حيث قال: «المسلسل بيواجه ممانعة علشان فيه بسمة وعمرو واكد وبلال فضل، وعلى فكرة التلاتة مش أصحابي، وعلاقتي بيهم زي الزفت، لكن أنا واقف عند المبدأ، لأن أنا لو وافقت على المبدأ ده النهاردة بكرة «القاهرة اليوم» هيتقفل، وهتطلعوا كلكوا تسقفوا، لما نسكت مرة هنسكت كتير».

يذكر أنه قد ترددت أنباء عن منع عرض مسلسل «أهل إسكندرية» للكاتب والسيناريست بلال فضل، والذي كان من المقرر عرضه في شهر رمضان القادم على قناتي «المحور» و«الحياة»، ويدور حول ضابط فاسد، تتم محاسبته من قبل رؤساءه في العمل.