عمرو أديب: شعر فيفي عبده يكشف معرفتها بمقلب رامز

علق الإعلامي المصري عمرو أديب على أولي حلقات برنامج «رامز قرش البحر»، والتي استضاف فيها الفنان رامز جلال الفنانة فيفي عبده، بقوله إن فيفي كانت على علم بالمقلب قبل حضورها الحلقة.

أديب أكد أنه من أشد المعجبين بالفنان رامز جلال، إلا أنه أخذ عليه بعض الأخطاء التي ظهرت في أولى حلقات برنامجه، حيث قال: «أنا من المعجبين برامز، وبتفرج عليه زي الأطفال، بيسلني وبيبسطني جدا، لكن لازم ناخد بالنا من الصنعة، وواضح إن في ممثلين بيبقوا عارفين المقلب، وفي مبيبقوش عارفين».

وأكد أنه هناك أكثر من دليل على علم الفنانة المصرية بالمقلب، حيث قال: «في أكثر من دليل أن فيفي عبده كانت عارفة، أول دليل إن شعرها لم يبتل أبدا، الدليل التاني إنه أزاي وهي بتغرق المصور فضل يصورها، طب المفروض ميطلعوش المصور ده في الكادر، الدليل الثالث إن القرش بتاع رامز كان بيعوم فوق البحر، ولما يقرب من الناس تخاف منه، طب بيخافوا منه ليه؟».

وأضاف –في برنامجه «القاهرة اليوم» على قناة «اليوم»-: «لكن كل ده يغفر له لأنه برنامج لذيذ ولطيف، والناس بتسترزق حلو منه، بس دي شوية ملاحظات حراقة، لازم تركزوا في حتة الصنعة، ما انت لازم تخليني أبقى مصدق».