«أنا آسف يا ريس» تسخر من محمد إبراهيم: مش عيب تسأل العادلي

هاجمت صفحة «أنا آسف يا ريس»، المؤيدة للرئيس الأسبق حسني مبارك على موقع «فيسبوك»، وزير الداخلية اللواء محمد إبراهيم؛ إثر الهجمات الإرهابية المتتالية منذ أيام.

وقالت الصفحة أن إبراهيم قام بزيارة الوزير الأسبق، حبيب العادلي؛ لسؤاله عن كيفية حفاظه على أمن مصر، مضيفة: «مش عيب على فكرة إن حضرتك تاخد نفسك وتروح زيارة للواء حبيب العادلي، وتسأله أنت كنت محافظ على الأمن في مصر إزاي؟».

وكتبت: «رسالة إلى وزير الداخلية، محمد إبراهيم، بعد اليوم الثالث على التوالي من التفجيرات، بداية من تفجير سنترال أكتوبر، واللي راح ضحيته طفلة، ومقتل 4 من جنود مصر، في العريش وسيناء، وتفجيرات، في محيط قصر الاتحادية.. ده تقصير أمني شديد وإهانة في حق الشرطة المصرية».

وأضافت: «لأننا في عهد الرئيس مبارك كنا أه ممكن نسمع عن حادث تفجير كل 5 أو 10 سنين فجأة، لكن إننا نشوف تفجيرات بتحصل يوميًا، لا وكمان بتتصور فيديو صوت وصورة، وكمان بيعلنوا أنهم هيزرعوا قنابل في محيط قصر الاتحادية قبل التفجير بيومين، ده اللي عمرنها ما شفناه أبدًا».