عبد الرحمن الأبنودي يعاتب السيسي بقصيدة

أبدى الشاعر المصري عبد الرحمن الأبنودي استيائه الشديد من قرارات الحكومة برفع الدعم وغلاء الأسعار، والتي وصفها بأنها أتت على الفقراء، طالبا من الرئيس عبد الفتاح السيسي بمراجعة هذه القرارات.

الأبنودي كتب قصيدة تحت عنوان «مرسال»، والتي تعد رسالة عتاب للسيسي، حيث قال فيها: «الشعب عمره ما راح يعود للوهم والرجرجة في القول والأفعال.. المسألة غياب سلوك الحسم في حرب جبارة جهاد وقتال.. المسألة دعم أو مش دعم رايحين لفين اهو ده أهم سؤال.. أنا مش مصدق مهما صدق العزم انك تشيل الميه في الغربال.. كله أخد على البلطجة والخم ومصر مرضانه مرضها عضال.. الشهر يسحب خلف منه شهر تقع المروءة مهما هتكون شهم».

وأضاف: «يا أيها القبطان قانون البحر متخفش على الصارى وخاف على اللحم.. والشعب طاشى لا نظر ولا سمع وفضيت الساحة من الحرافيش.. الدم متنكر في صورة دمع والكبد متمزع والقلب مفيش.. فاحذر لسان مسموم بقولنا وقال وآخر النهار لا جدعنه ولا مال.. عيون ازاز أما قلوبهم شمع والروح حته شقف وضمير خيش متتكلش على اللى مبيديش طواويس منفوشة هوادج ريش ويخافوا جدا من حكاية الجيش زمان جيه حاكم قلع الطرابيش.. وخد بأيد المنسي في التهميش وأنت سمحت ازاى يغلوا العيش وسبت اهل النهب والتكويش.. ناسك لو انصرفوا هيفضى الكون لو ناديت مش رح يرد سؤال».

وتابع: «الفقراء ضاعوا لا مدد ولا عون كان ما الثورة خيال فى خيال .. يلى ضرطت شيطان ها الملعون فارس ونعمه بساله الخيال.. تحت الفرس قلب الفقير مطعون ولا من سمع أنين فقير الحال ضحك المرابى وداس على المديون والغالية رايحه ترهن الخلخال.. فتحت قلبى وبحت بالمكنون والفقراء بعتنى إليك مرسال».