فريدة الشوباشي تهاجم نظام حسني مبارك مجددًا

استنكرت الكاتبة الصحفية المصرية فريدة الشوباشي دفاع البعض عن نظام مبارك، وتصويره على أنه كان نظاما مثاليا، وأن الشعب المصري انهار بعده.

فريدة قالت متهكمة: «حتى ٢٥ يناير كنا عايشين عيشة بتحسدنا عليها أوروبا والدول المتقدمة !!.. لكن تقول إيه.. احنا عالم مفترية وناكرة للجميل.. قمنا بثورة ضد النظام المثالي اللي ساب ٣٠ مليون مصري مرشحين للموت ما بين سرطان وفيروس سي وفشل كلوي».

وأضافت –على حسابها الخاص على موقع «الفيس بوك»-: «وكمان الدولة اللي كانت كابسة علي أنفاسنا، انهارت قدام ميليشيات الإخوان وحماس في ٣ ساعات.. أنا حقيقي مش فاهمة ازاي ما بيتكسفوش يصوروا حكم مبارك علي انه جنة الله ع الأرض».

وكانت الكاتبة الصحفية قد هاجمت الرئيس الأسبق محمد حسني مبارك في أكثر من مناسبة، كان آخرها عندما صرح بأنه كان «يشحت» المليارات من دول الخليج لدعم اقتصاد مصر، حيث قالت: «الحقيقة كلام مقرف مش لاقية وصف تاني، يعني إيه كنت بشحت؟، هو مش عارف هو بيحكم أنهي شعب، مش عارف أنه قاعد على كرسي رمسيس وتحتمس وجمال عبد الناصر».