أحمد حجاجوفيتش يحتفي بـ«مترو ميكي ماوس»

عبر الرحالة المصرية أحمد حجاجوفيتش عن سعادته بما وصلت إليه وسائل المواصلات في هونج كونج، وخاصة «مترو الأنفاق»، لافتا النظر إلى إحتفال المدينة الصينية بإلتزام مواعيد المترو قائلا:«هونج كونج تحتفل للسنة العاشرة علي التوالي بأن ٩٩،٩٩٪ من رحلات المترو بها تصل في ميعادها بالثانية».

حجاجوفيتش بدأ في سرد حكايته عن مترو ميكي ماوس الصيني خلال رحلته للصين، موجها رسالته للمصريين قائلا:«هل تعلم أن عدد رحلات المترو في هونج كونج حوالي ٥ مليون رحلة يومياً، و لا يمكن تستني المترو أكثر من دقيقتين -عشان كدة عندهم إعلان حكومي مشهور أوي بيقول «إطمئن المترو بييجي كل دقيقتين حتي في أقصي أوقات الذروة»،

واصل «احجاجوفيتش» سرده عن ملاحظاته خلال زيارته للصين قائلا:« مع إن مساحة هونج كونج ١١٠٤ كم مربع (يعني لا يمكن تشوفها علي الخريطة) فيها ٢٢ خط مترو و عايزين يمدوه لـ٤٤ خط سنة ٢٠٢٠ ده إللي بيخلي أكتر من ٨٠٪ من السكان و السياح و الوزراء و حتي السفراء يستخدموا المترو عشان أسهل و أسرع و بعض المتروهات شكلها حلو علي شكل ميكي ماوس و بطوط (عشان بيوصلوا لديزني لاند هونج كونج) و هيئة المترو بتدخل للدخل القومي الهونج كونجي حوالي ٤٠ مليار جنيه مصري سنوياً !! ، الأغرب من ده كله إن التذكرة هناك بتتحسب بالمحطة و أرخص مسافة ب ٥ جنية عشان كدة الحكومة هناك بتدي تذاكر ب٦٠٠ جنية/شهرياً مجاناً لكل واحد من السكان الفقراء إللي مرتباتهم تقل عن ١٠،٠٠٠ جنيه !!!

وجه «حجاجوفيتش» سؤال مهم للشعب المصري قائلا:«إيه رأيكم لو النظام ده إتطبق في مصر و هل تؤيدة (تخيلوا بقي عندنا ٤٠ - ٥٠ خط مترو يوصلوا كل مكان) ؟!.