صلاح عبد الله يهنئ المصريين بالعيد بقصيدة شعرية
قدم الفنان المصري الكبير صلاح عبد الله التهنئة للمصريين، والأمة الإسلامية والعربية بحلول عيد الأضحى المبارك، وذلك بقصيدة جديدة.
وتقول هذه القصيدة،
«يا برتقان أحمر وصغير .. بكرة الوقفة وبعده نغير
يا برتقان أصفر وجديد .. بكرة الوقفة وبعده العيد
يا برتقان أشكال وألوان .. يا مطرّى على صدر الغلبان
بكرة السعد الوعد يبان .. دا إحنا بينا وبينه مواعيد
يا برتقان أحمر وصغير .. بكرة الوقفة وبعده نغير
يا برتقان أصفر وجديد .. بكرة الوقفة وبعده العيد
بكرة وقفة هم الماضى .. بكرة الحاضر مبسوط راضى
بكرة عيد القلب الفاضى .. مليان نور وهنا وزغاريد
يا برتقان أحمر وصغير .. بكرة الوقفة وبعده نغير
يا برتقان أصفر وجديد .. بكرة الوقفة وبعده العيد
يا برتقان مشاكلنا فى ديلنا .. ولا حد غيرنا يحللنا
بإيدينا حنخلص مشاكلنا .. لما حتبقى الإيد فى الإيد
يا برتقان أحمر وصغير .. بكرة الوقفة وبعده نغير
يا برتقان أصفر وجديد .. بكرة الوقفة وبعده العيد
بكره الثورة حنستثمرها .. ندوق حلاوتها ونجنى ثمارها
راح تختارنا وحنختارها .. تبقى مسارنا بالتأكيد
يا برتقان أحمر وصغير .. بكرة الوقفة وبعده نغير
يا برتقان أصفر وجديد .. بكرة الوقفة وبعده العيد
يا برتقان أبو سرة وبلدى .. بكرة أجمل بكرة يا بلدى
بكر يا بنتى بكرة يا ولدى .. بكرة نقول ونعيد ونزيد
يا برتقان أحمر وصغير .. بكرة الوقفة وبعده نغير
يا برتقان أصفر وجديد .. بكرة الوقفة وبعده العيد».