أحمد موسى يحلل مباراة مصر والسنغال.. فيديو

عبر الإعلامي المصري أحمد موسى عن استيائه الشديد من هزيمة المنتخب المصري أمام منتخب السنغال في مباراة أمس، السبت 15 نوفمبر.

موسى قال: «مش قادر أتكلم، معندناش فرقة، لازم نعترف إن فريقنا فاشل.. مدربنا فاشل.. لعيبة مش بيلعبوا كرة، عندنا حارس مرمى بينط لتحت، حراس المرمى دايما يطلعوا لفوق لكن ده بينط لتحت، إحنا بصراحة وحشين لازم نعترف».

وطالب بعودة الكابتن حسن شحاتة لتدريب المنتخب، حيث قال: «رجعوا حسن شحاتة، لو أنتوا عايزين يبقى عندكوا فريق رجعوا حسن شحاتة غير كده متقولوش عندنا كرة ومحدش يتكلم عن منتخب، هذا الفريق لا يستحق أن يمثل مصر».

واستنكر وجود اللاعب عماد متعب ضمن تشكيل الفريق، قائلا: «أنت بتجامل عماد متعب علشان أهلاوي يعني؟، عماد ميستحقش يبقى في الفرقة، عماد متعب يريح بقى، ده مسك أربع كور لو أنا مكانه هبقى أحسن منه وأنا عمري عشر أضعاف سنه، حاجة تجن».

وكان المنتخب المصري قد خسر أمام المنتخب السنغالي بنتيجة 1/صفر، وهو ما جعل تأهل منتخب مصر لنهائيات أمم أفريقيا في غينيا الاستوائية 2015 مهمة شبه مستحيلة.