عمرو أديب: البلد هتقع لوحدها.. فيديو

استنكر الإعلامي المصري عمرو أديب ما وصفه بتهويل البعض لدعوة «الجبهة السلفية» للخروج في تظاهرات يوم 28 نوفمبر القادم، تحت مسمى «الثورة الإسلامية».

أديب أكد أن هذا التهويل هو الذي سيسقط البلد، حيث قال –في برنامجه «القاهرة اليوم» على قناة «اليوم»-: «عندي حالة استغراب من الكلام اللي بيتقال على 28 نوفمبر، الناس اللي هينزلوا اليوم ده مكنوش هيخوفونا أكتر من كده، دول بيصوروا 28 نوفمبر إنه نهاية مصر».

وأضاف: «أنا معرفش إيه اللي هيحصل يوم 28 نوفمبر، إنما هي دي دولة ولا خرابة؟، بيقولك الجيش على أهبة الاستعداد.. الجيش؟!! هي وصلت للجيش؟!!، هو إحنا هنحارب؟.. إيه الهدف من هذا النفخ؟.. إنتوا كده بتوقعوا البلد وانتوا قاعدين، كده البلد هتقع لوحدها».

وكانت «الجبهة السلفية» قد قامت بالدعوة إلى النزول يوم 28 نوفمبر القادم، رافعين المصاحف، تحت مسمى «الثورة الإسلامية».