عمرو أديب يكشف بصراحة مشاعره تجاه زوجته لميس الحديدي.. فيديو

قال الإعلامي المصري عمرو أديب إنه لا يقول لزوجته الإعلامية لميس الحديدي «بحبك»، مشيرا إلى أنه يرى أن الحب أفعال وليس أقوال.

أديب قال –في برنامجه «القاهرة اليوم» على قناة «اليوم»-: «الحب فعل مش كلمة، لما بستحملك وانتي تعبانة يعني بحبك، لما تعجبك ساعة وأشتريهالك يعني بحبك، وعادي إني مسمعهاش، لما أرجع ألاقيها طبخالي كبد وكلاوي هو ده الحب».

وأضاف: «الواحد لما يجي يقول حاجة لازم يبقى حاسسها وتبقى في عواطف جياشة، في الخطوبة وكتب الكتاب والدخلة وشهر العسل بتبقى في مشاعر فياضة، وبعد كده المشاعر بتبقى عشرة ومودة».

فرد عليه زميله في الحلقة المحامي خالد أبو بكر بقوله: «المرأة بالنسبة لك لا تمثل إلا وسيلة للأكل والشرب فقط، بتعتبرها جسد فقط، يا رجل اتقي الله عيب عليك، الست قاعدة معاك بقالها كام سنة، مشاعرك قلت غيرها بقى».