مفاجأة.. زوج صفاء مغربي ينفي نبأ وفاتها ويحذر من الشائعات

بعدما تداولت معظم المواقع الإخبارية نبأ وفاة الممثلة صفاء مغربي نقلاً عن مصادر مقربة من النجمة، فاجأ المخرج يوسف شرف الدين زوج الممثلة الصاعدة الجمهور بنفي هذا الخبر تماماً مؤكداً أنها ما زالت على قيد الحياة.

المخرج زوج الفنانة الشابقة كتب على صفحته الشخصية بموقع Facebook نافياً كل ما تردد حول وفاة زوجته يقول: "امسحوا ضروووووورى أي خبر وحش عشان تعبانة جدا، حسبي الله ونعم الوكيل لسبب المهزلة دي وهقاضي السبب الأساسي، وكل أصدقائها وأصحابنا والناس جميعا بشكركم لتعاطفكم وربنا يرحمها فعلا من الوجع ياااارب".

شرف الدين أوضح سبب سوء الفهم الذي حدث قائلا: "اللي اتصل بأخت صفاء قالت تلاتة، وأختها الصغيرة كان معها تليفون صفاء وكانت منهارة عشان أختها جالها غيبوبة بعد ما رجعت من دار الفؤاد، وكنا عند بيت مامتها بالفردوس بأكتوبر وجالها غيبوبة 3 ساعات أهلها افتكروها ماتت وصوتوا، وكنا بحاله صعبة بقالها 3 أسابيع بتاخد مضاد حيوى لصدرها من نفسها وأدوية تاني بالغلط، واغم عليها بالمسرح وفاقت وتاني يوم الصبح، وقعت تاني، وفاقت واغم عليها تاني".

وأضاف: "مستشفى دار الفؤاد عملولها رسم قلب وأشعة صدر وفحص قالوا شوية التهاب بالشعب الهوائية وغلط تاخد مضاد فترة كبيرة ومعه أدوية تانية كتييير، واللي عندها محتاج أدوية تانية للصدر، وهتروح لدكتور غدا عشان أوجاع شديدة ولازم، رجاااااااء أي حد كتب خبر وحش ضروري يمسح، لو شافت هتتعب نفسيا أكتر حرام عليكوااااا".

واختتم كاتبا: "الأخبار وكل ده كان لازم الأصدقاء تطمن مني شخصيا مش من حد تاني حتى لو تليفوني فاصل احنا من الساعه 9 الصبح بنلف من دكاترة للمستشفى".