مفيدة شيحة تكشف تفاصيل فشل زواجها.. فيديو

كشفت الإعلامية المصرية مفيدة شيحة تفاصيل فشل زواجها، مرجعة ذلك إلى اختيارها الخاطئ، وعدم سماعها لنصيحة والدها ووالدتها بعدم الزواج من هذا الرجل.

مفيدة روت ما حدث –في برنامجها «الستات ميعرفوش يكدبوا» على قناة «CBC»- بقولها: «ندمت جدا إني مسمعتش كلام والدي ووالدتي، فهم كانوا رافضين تماما الجوازة دي، وشايفين إنه لا يصلح شكلا وموضوعا ومكانة».

وأضافت: «لكن لانهم بيحبوني جدا وكنت أنا نقطة ضعفه، فضغطت عليه بأني أبقى حزينة، وقالي كلمة أنا فكراها جدا، قالي أنا هجوزهولك علشان ما أموتش وأحس إنه كان ممكن تبقى سعادتك مع حد ومجوزتهولكيش».

ووصفت هذه الزيجة بأنها كانت «غلطة عمرها»، ووجهت نصيحة للفتيات المقبلات على الزواج بأن الأهل تكون لديهم رؤية صائبة، حيث قالت: «أنا بقول للبنات الصغيرين أنا غلطت غلطة عمري إني مسمعتش كلام أهلي، فموافقة الأب والأم بيبقوا فاهمين وشايفين حاجات بعيدة أوي إحنا مش واخدين بالنا منها، وأنا هعمل كده مع بنتي منة، وهشجعها تعمل كده مع ولادها».