نيللي كريم لوالدتها: سامحيني

وجهت الفنانة المصرية نيللي كريم رسالة لوالدتها بمناسبة الاحتفال بعيد الأم.

نيللي كتبت لوالدتها عبر «فيس بوك»: «إلى أغلى حد في الحياة كلها ماما ثم ماما ثم ماما بحبك وبتخانق معاكي، ومش بسمع كلامك، وبعندك معظم الوقت، وأنتي دائمًا صح علشان عندك حاسة الأم إللي دائمًا بتطلع صح».

الفنانة المصرية أضافت: «لو حد لي فضل عليا بعد ربنا هي ماما فقط لا غير، هي إللي جنبي، هي إللي بتساعدني، هي إللي شايلة و شالت كل عيالي في عز شغلي أو تقلباتي النفسية والعصابية حتى وهي عيانة قلقانة عليا».

نيللي أضافت: «مش عارفة أقول ليكي شكران على إيه ولا إيه أشكرك أني لسة عايشة ولسة زي ما أنا زي ما ربتيني أكون إنسان محترمـ واحترم حتى المش محترمين وكل واحد بتديله أسباب للسماح أقول إيه غير كفاية حسك في الدنيا و سامحيني لو لسة مش بسمع الكلام، بحبك أد الدنيا وأنتي الدنيا».