نادية العراقية: ابني خجول.. وابنتاي حصلتا على جوائز في الرقص

علقت الفنانة نادية العراقية على تشبيه ابنها أدهم بالفنان التركي كيفانج تاتليتوج، الشهير في الوطن العربي باسم «مهند»، بأنها ترى أن ابنها أجمل من مهند.

وعن إمكانية أن يدخل أدهم الوسط الفني، قالت: «لو ده حصل هيبقى عايز مخرج بيعجن، مش مخرج عايز واحد على الجاهز، لأن أدهم عايز صبر، وممكن يطلع منه حاجة ليه لأ؟».

وأكدت أنه في حالة دخوله الوسط الفني لن يقدم الأدوار الرومانسية نظرا لخجله الشديد، حيث قالت: «هو ممكن يعمل أدوار أكشن أو أدوار تانية لكن مشاهد حب وبوس وكده مش هيرضى يعملها أبدا حتى لو عرضوا عليه مليارات، لأنه خجول جدا».

وأضافت-في حوارها بـ«MBC»-: «ده أنا حتى لما بهزر معاه وبقول له إيه يا أدهم محبتش.. مين صاحبتك، يقول لي يا ماما أنا عندي أختين».

وعن ميول ابنتيها مي ونيللي الفنية، قالت: «هم ليهم ميول فنية.. بناتي أصلا راقصات كوري في الملحق الثقافي وأخدوا جوائز كتير».