عمرو سلامة يدافع عن منى زكي وأحمد السقا

بعد أن نشرت إحدى الصحف خبر يفيد بتقاضي كلا من الفنانة منى زكي والفنان أحمد السقا والفنانة هند صبري مبالغ مالية خيالية نظير إعلانات الخير، نفى المخرج المصري عمرو سلامة صحة هذ الخبر تماما.

سلامة عبر عن استيائه الشديد من فبركة مثل هذه الأخبار، وقال: «الفنانين اللي في الخبر ده كلهم ماخدوش جنيه، وكلهم عملوا الإعلانات ديه تطوعا وأنا تأكدت بنفسي.. أنا عايز أفهم إزاي صحفي يتعمد فبركة خبر زي ده من العدم، وإزاي ما فيش أي وسيلة لمحاسبته.

وأضاف: «وياريت أي حد بيشير حاجة من الواضح إن مالهاش أي منطق كده يستذكى وحياة أبوه مش ناقصة غباء.. ده حتى بالعقل كده، لو بيعملوا إعلان لبيبسي أو فودافون مش هاياخدوا الأرقام ديه.. غير إن خبر زي ده ممكن يخوف الفنانين قدام من إنهم يعملوا خير ويساندوا الإعلانات اللي ليها أهداف إنسانية».

يذكر إن إحدى الصف قد نشرت خبر يفيد تقاضي منى زكي 3 مليون جنيه نظير إعلان مستشفى «بهية»، وتقاضي أحمد السقا وهند صبري 4 مليون جنيه نظير إعلان مستشفى السرطان بالصعيد.