نشوى مصطفى تلقن منتقدي صور السقا وعمرو دياب درسًا قاسيًا.. شاهد

ردت الفنانة المصرية نشوى مصطفى، على الانتقادات التي وجهت لعدد من الفنانين بعد نشر صور لهم في بورتومارينا، خلال عطلة خاصة بهم، قائلة: أنا مش عارفة الناس جرى لها إيه، تخيلوا زميل منزل صورة ليه مع مجموعة زملاء تانيين في الساحل -- المشكلة اللي مضايقة شوية من البشر اللطيفة إنهم بيضحكوا في الصور.

وأضافت عبر صفحتها الشخصية بموقع «فيس بوك»: «تخيلوا التعليقات بقى من نوعية حسوا بالغلابة، انتوا ليكو نفس تضحكوا وزميلكم لسه مبقالوش كام يوم متوفى، ربنا ينتقم منكم، تخيلوا علشان ناس بتمارس حقها إنها تبتسم في صورة بيدعوا عليهم ربنا ينتقم منهم --- بالنسبة لموضوع حسوا بالغلابة -- انتم إيه عرفكم الناس دي بتعمل إيه للغلابة وبعدين ربك هو اللي بيحاسب مش سيادتك وبالنسبة لزميلنا واستاذنا اللي أتوفى على فكرة كل اللي في الصورة تقريباً أبهاتهم أتوفوا يعنى دلالات الحزن مش بابتسامة في صورة يا بشر ارجعوا بشر تاني-- بس بشر عاقلة».

يذكر أن الصور جمعت بين كل من الفنانين عمرو دياب، أحمد السقا، أحمد عز، محمد عادل إمام، شريف منير، وأحمد رزق.