أمير طعيمة يفتح النار على أفلام السبكي وخيري رمضان

انتقد الشاعر الغنائي المصري أمير طعيمة، فيلم «عيال حريفة»، ووصف نوعية هذه الأفلام بأنها التي أفسدت صناعة السينما.

طعيمة، قال عبر صفحته الشخصية بموقع «فيس بوك»، بعد نشر إعلان فيلم «عيال حريفة»: «طول ما فيه جمهور بيخلي الأفلام دي بتجيب إيرادات، طول ما الأفلام دي هتفضل موجودة »أو الفيلم ده«، لأن هو نفس الفيلم تقريبا بيتعرض كل عيد صغير وعيد كبير بنفس الناس تقريبا مع كل ما يستجد علي الساحة من راقصات أو بتوع مهرجانات».

وأضاف: «الحل في رجوع الطبقة المتوسطة اللي كانوا بيوفروا من مرتباتهم جزء بسيط يروحوا يسمعوا أم كلثوم وعبد الوهاب وعبد الحليم وغيرهم، أو يحضروا مسرح لمدبولي وفؤاد المهندس وغيرهم وكانوا بيضحكوا برضه ويتسلوا».

وتابع: «منه لله كل اللي خلي تركيبة المجتمع المصري تسمح بوجود نوع زي ده من الفن وللأسف ليه مريدين، التعليم ورفع مستوي الطبقة الفقيرة وتقريبها من الطبقة المتوسطة هو الحل».

واختتم كلامه قائلًا: «مبروك لخيري رمضان، العيال اللي فردت لهم وقت في حلقتك، دخلوا وشاركوا في العمل التاريخي ده كنوع من الطرشي والمخللات لفتح شهية ناس مبقوش بيستطعموا إلا النوع ده من الأكل، بقيتوا بتكرهونا في العيد».