مي كساب تغلق حساباتها على مواقع التواصل لهذه الأسباب

حالة من الاستياء الشديد، سيطرت على الفنانة المصرية مي كساب، جعلتها تتخذ قرارها بإغلاق جميع حساباتها الشخصية على مواقع التواصل الاجتماعي، بسبب المضايقات والتعليقات التي تعرضت لها من بعض متابعيها.

أحد الأشخاص، كان قد أقدم على تركيب صور غير لائقة لمي كساب، وكتبت بعدها عبر صفحتها الرسمية على "فيس بوك": أنا قررت أقفل أي أكونت ليا على "السوشيال ميديا"، لأن إحنا شعوب ما بتحترمش بعض ولا عندنا آدمية ولا إنسانية ولا أخلاق، فعلا مسلمين بلا إسلام، وكل واحد عامل نفسه قاضي، ومش فاهمين ولا بنقدر يعني إيه فنان ولا يعني إيه احترام.

مي أضافت، كل واحد فاكر لما يكتب "كومنت" كده بقى بني آدم وليه شخصية ورأي، بجد زهقت من كتر ما بمسح كلام عقيم ومريض، مش بالاقي مبرر أصلا، إنت مش بتحب فنان داخل تعمل له "فولو" ليه، عشان تطلع أمراضك عليه؟.

الفنانة المصرية تابعت قائلة: أنا تعبت بجد من الأشكال المريضة دي، بحس أنا عايشة في مجتمع مريض مجتمع معوق، "بكابورت" وطفح في وشنا.. وأنا مش هصلح الكون ومش بعرف أكون حد بارد.. في نهاية كلامي، في قلة محترمين آدميين حبيتهم جدا من خلال كلامهم الرقيق اللي كان بيأثر فيا جدا.. ودول اللي هيوحشوني بس وعاوزاهم يسامحوني، إحنا مش في المدينة الفاضلة.