هديل خيرالله تكشف 9 معلومات ﻻ تعرفها عن فيلم «العفاريت».. صور

عادت الفنانة هديل خير الله، الشهيرة بدور بلية، للتحدث عن دورها في فيلم "العفاريت"، والذي قدمته مع الفنان عمرو دياب، وردت على اسئلة جمهورها حول الفيلم وذلك عبر صفحتها الشخصية بموقع "فيس بوك".

هديل، قالت: "للناس اللي لسا مهتمة وبتسألني دايمًا دول 9 معلومات عن فيلم العفاريت مش هتعرفهم غير من بلية".

1- بيت عمرو دياب اللي في الفيلم دا مش بيته ولا حاجة دا سويت في شيراتون الجزيرة

2- الفيلم أتصور في حوالي 6 شهور ما عدا مشهد واحد و توقف التصوير تماما لمدة 7 شهور و بعدين أتصور المشهد، و دا كان مشهد ميال ميال في الأستاد

3- أول مشهد  أتصور في الفيلم لبلية كان  مع الكتعة اللي كان أوله قلم علي وشيي

4- حفلة عمرو دياب في الفيلم كانت حفلة ليه بجد

5- مشهد الشحاتة (اللي بدون حوار) كانت الكاميرا مستخبية في عمارة و كنت بشحت بجد و لميت فلوس!!

6- المشهد بتاع "سرقت الخواجة كنتاكي" أتصور الساعة 3 صباحا و لوزة نامت في التصوير و اضطريت احفظ كلامها في ساعتها و الحوار تم كلة بيني و بين سقراط (لاحظ نومها في المشهد).

7- أنا ما كنتش في الشوال لما سقراط شاله

8- دور بلية كان لبنت عمرها 8 سنوات و كان علي وشك اختيارها بالفعل و المخرج حسام الدين مصطفي لما شافني كنت اقل من 6 سنوات و اخترني

9- بمناسبة إني كنت 6 سنوات كنا بناكل في الاستراحة بين المشاهد و عمرو دياب قعد في الكرسي اللي جمبي فا قلتلة "ماما لازم تقعد جنبي علشان تأكلني".

يذكر أن فيلم "العفاريت"، شارك في بطولته مديحة كامل، عمرو دياب،  حمدي الوزير،  نعيمة الصغير،  وعماد محرم ومن إخراج حسام الدين مصطفى، وسيناريو وحوار ماجدة خير الله.