جولولي | حرب كلامية بين مفيد فوزي وسما المصري.. فيديو
  • شمس البارودي
  • كيم كاردشيان
  • عادل إمام
  • أبو بكر عزت
  • هيفاء وهبي
  • أنور إسماعيل
  • إسماعيل ياسين
  • سيرين عبد النور
  • شريهان
  • استيفان روستي
  • سعيد صالح
  • خالد صالح

القاهرة - Gololy

أكد الإعلامي المصري مفيد فوزي إنه يرفض استضافة الراقصة سما المصري في برنامجه.

فوزي أوضح سبب رفضه محاورة سما، خلال استضافته ببرنامج «100 سؤال»، بقوله: «سما دي فلكلور، وكثيرة الثرثرة تحب أن تكون حديث المدينة، وكانت بالفعل لأيام، ليفيق الناس سريعًا، فهي عبارة عن 66 كيلو أجاد الله توزيعهم».

هذه التصريحات أثارت غضب سما، مما دفعها للرد عليه بقولها: «عيب يا أستاذ مفيد لولا أنك راجل في سن والدي كنت رديت عليك رد ما طلعتش بعده على أي قناة بس أنا محترمة سنك وأن بنتك في سني تقريبًا».

سما اتهمت فوزي بالكذب، مشيرة إلى أنه طل محاورتها منذ ما يقرب من سنة، حيث قالت: «أنت غير أمين يا أستاذ مع الجمهور وطلعت كدبت على الناس لما المذيعة راغدة شلهوب في البرنامج سألتك هو أنت ممكن تستضيف سما المصري في حوار تليفزيوني ورديت وقلت مستحيل ولما هو مستحيل كلمتني ليه من سنة بعد ما رجعت من هولندا وطلبت مني اطلع معاك في برنامج كنت بتقدمه على قناة دريم بعد ما أعلنت ترشحي للانتخابات من هناك، وأنا رديت عليك وقلتلك نأجلها لبعدين لما اخد قراري الأخير في الموضوع دا ولا نسيت المكالمة دي؟ أبقي اسأل المعد إلى كان معاك لو نسيت».

وأضافت «وكمان قولت إن وزني 66 كيلو أجاد الله توزيعها طيب تحب تاخد أي كيلو منهم طالما أنت فاهم أوي كدا في الكيلوهات.. وحضرتك قلت إني يومين وانتهيت لا يا أستاذ مفيد سما مبتخلصش والأيام اللي جاية هتثبتلك.. ابعد عني يا أستاذ مفيد عشان بجد ماينفعش ادخل معاك في سيجال وأنت قلت رأيك وقلت إني مش هقدر أحاكمك على رأيك فعلا مش هقدر أحاكمك بالقانون لأن دا رأيك وتكدب ما تكدبش دي حاجة تخصك وتدل على شخصيتك وأخلاقك لكن أقدر أحاكمك قدام الناس لأنك ما بتقولش الحقيقة».

وعبرت عن استيائها الشديد من وضعها مع صفوت حجازي ف نفس الدرجة، حيث قالت، في تصريحات صحفية بجريدة «فيتو»: «لما يوصل بيك الأمر تقارني بصفوت حجازي وتحطني في نفس درجته في نفس البرنامج يبقي عادي جدا لما أقارنك بياسر برهامي وأحطك في نفس درجته ودا رأيي وأنا برضو حرة فيه زيك بالضبط».



عدد التعليقات (0)

الاسم (مطلوب):

ما هو مجموع 8 + 2

السيرة الذاتية:

أخبار الرئيسية: