زينة تشكر جمهورها وتصف فانز أحمد عز بـ\"الفراخ\"

وجهت الفنانة المصرية زينة، رسالة شكر لجمهورها لمساندتهم إياها في قضيتها ضد الفنان أحمد عز، لإثبات نسب توأمها له، ووصفت جمهوره بالفراخ.

زينة، قالت عبر صفحتها الشخصية بموقع "إنستجرام": "الحمد لله إن ربنا كرمني بفانز زيكم ده كرم كبير أوي ونعمة كبيرة، ساعات بستغرب أنتم أزاي بتحسوا بيا و واقفين جنبي وأنا حتي ماشفتكوش وإيه قوة الحب اللي مخلياكوا خايفين عليا بالشكل ده!!".

وأضافت: "الحمد لله ده أنا حتي ماسمعتش صوتكوا ولا عارفه معظمكم !!!دي نعمة وخير كبير واكتر حاجه عجبتني ان معظمكم بنات و محمد بشير، أنا ربنا كرمني بدعائكم ليا والله كنت شايله همكم أوي فوق همي بس ربنا كبير".

وتابعت: "طبعا بحبكم كلكم بس في منكم المقاتلين اللي بموت فيهم وأي كلمه مالهاش معني جنب فضلهم عليا بعد ربنا ،واللي كانوا مش بيناموا علشان يردوا علي الفراخ".

واختتمت كلامها قائلة: "بشكر كل الناس من قلبي بجد أوي والغريب أن كل وأحد فينا من بلد تانية وفي من مصر طبعا".