أحمد مالك يعتذر عن فيديو «الواقي الذكري».. ويؤكد: كانت لحظة تهور وندمان عليها

اعتذر الفنان المصري الشاب أحمد مالك عن نشره الفيديو، الذي يقوم خلاله هو وصديقه شادي حسين، مراسل برنامج "أبلة فاهيتا"، بنفخ مجموعة من الأوقية الذكرية وإهدائها لرجال الشرطة، في ذكرى ثورة 25 يناير.

مالك قال في اعتذاره: «بعتذر بشده لكل شخص أساءه الفيديو و خاصه الشرطة. الفيديو فعلاً فيه تجاوزات لم أتوقع إنها تخرج بره دايره الأصدقاء و ده مش مبرر علي الخطأ.. أنا عمري عشرين سنه و ساعات في السن ده الأفكار المتهورة بتسبق التفكير العقلاني و للأسف الغلطات دلوقتي بقت مسجله و مصوره و ده بيديها عمر و حجم اكبر من حجمها الحقيقي».

وأضاف: «دي لحظه تهور و لحظه مش محسوبه و فعلاً ندمان عليها و حاولت مسحها و لكن كنت فوجئت إنها انتشرت قبل ما اقدر انقذ الموقف. يمكن الموقف ده كله نابع من إحباط عدم القدرة علي التعبير عن الرأي اللي جيلي حاسه الأيام دي بس برضه ده ميدينيش الحق اني اتجاوز او اعبر عن رأيي بطريقه متجاوزه في حق الآخرين».

واختتم كلامه، على حسابه الخاص على «الفيس بوك»، بقوله: «اكتر حاجه مضايقاني انه هيتم استخدام اللحظة دي لتشويه الثوار و الثورة ومقدرش ألوم حد في النقطة دي ألا نفسي اللي الاحباط عماها. أتمنى من الجميع انهم ميتعاملوش مع اللحظة دي علي إنها بتلخصني ويتعاملوا معاها انها لحظه عابره لن تتكرر. مره آخري بعتذر».

وكانت نقابة المهن التمثيلية قد قررت وقف أحمد مالك عن العمل وإحالته للتحقيق،  بعد نشره هذا الفيديو المسيء.