نيللي كريم تدعم أحمد مالك: هشتغل معاك تاني وخامس

أعلنت الفنانة المصرية نيللي كريم تأييدها للفنان الشاب أحمد مالك بعد أزمته الأخيرة المتعلقة بالفيديو المسئ للشرطة، والتي تسببت في هجوم عدد كبير من الفنانين عليه.

نيللي كتبت عبر «فيس بوك»: « معلش أنا اتاخرت على كلامي عن أحمد مالك اللي بعتبره زي ابني دي صورة من فيلم "اشتباك " اللي قعدنا نصور فيه شهور و كلنا مع بعض في عربية ترحيلات و شرط الفيلم دا إن كان لازم نكون مع بعض طول الوقت، سيبك إن أحمد فنان موهوب و ليه مستقبل كبير علشان هو فنان حساس و صادق، أهم شيء إن هو إنسان حقيقي يعني صادق بيعمل اللي بيحسه، أحمد غلط و اعتذر، طيب انتم ما فيش حد فيكم غلط قبل كدا مفيش حد من عيالك واخواتك أو أصحابك غلط قبل كدا، كلكم فجأة بقيتوا ربنا».

الفنانة المصرية أضافت: « ما تفكر دقيقة قبل ما تحاكم حد اقعد مع نفسك واستغفر ربنا قبل ما تكتب كلمة عن حد ما تعرفوش، بجد يا ساتر عليكم يا ناس، أحمد أنا سعيدة إني اشتغلت معاك وانت عامل دور جامد في فيلمك الجديد "اشتباك" وإن شاء الله نشتغل مع بعض تاني و خامس».