سما المصري توكل محاميًا لفتاة المول بعد تخلي سمير صبري عنها.. صورة

قامت الفنانة المصرية سما المصري بتوكيل محامي خاص إلى سمية الشهيرة بفتاة المول، بعد تخلي المحامي سمير صبري عنها.

سما المصري قالت في بيان نشرته صباح اليوم الثلاثاء: “إنها قامت بتوكيل المحامي أشرف ناجي لسمية، بعد تخلي سمير صبري عنها، وتركها وحيدًا في القضية، مشيرة إلى أنه رفض الرد على مكالمات سمية، مما استدعى الفتاة لإلغاء التوكيل الخاص به، وقبول توكيل محامي سما المصري لاستكمال القضية، حتى نجح في الحصول على حكم لصالحها بحبس ريهام سعيد”.

ووجهت سما رسالة إلى سمير صبري قالت فيها: "بص يا سمير يا بلاغات انت سيبت البنت الغلبانة سمية لوحدها بعد ما أخدت الشو والضجة على إنك هتكمل معاها، وفي الأخر مكنتش بترد على تليفونها، على حسب كلامها ليا، بس وحياة الغلابة يا أبو سمرة البنت هتاخد حقها منك بالقانون، ومن نقابتك اللي انت فيها، وأنا مش هسيبها لوحدها زي ما انت عملت، بس أقول إيه هو طبعك ولا هتشتريه، فعلا "سمير بلاغات".

وأضافت: "أنا وقفت جنب البنت بعد ما سيبتها، وقومت محامي لها من عندي، ومقولتش دا في الإعلام عشان أنا مش زيك أنا شبعانة شو، بس النهاردة بقولك يا سمير بعد الحكم آخرتها هتتحبس، والناس هتتخلى عنك زي ما بتسيب بنات الناس أصل سمية غلبانة ومعندهاش حصان زي بتاع نجلا يا محامي نجلا يا بياع”.

يذكر أن الإعلامية ريهام سعيد، تم الحكم عليها في قضية التشهير بفتاة المول بالسجن سنة و6 شهور  وتغريمها مبلغ 10 آلاف جنيه، وكفالة 15 ألف جنيه، لإيقاف تنفيذ عقوبة الحبس مؤقتًا لحين الاستئناف على الحكم.