هاني مهنى: السجن مع علاء وجمال مبارك رفاهية.. فيديو

روى الملحن المصري هاني مهنى تجربته مع السجن، بعد أن حبس 6 أشهر، إثر خلاف على عقار بينه وبين أحد البنوك.

مهنى قال: «أنا كنت رايح المحكمة ومش متوقع إني آخد حكم، فالقاضي حكم عليا بـ5 سنين سجن، فكان معي في القفص ناس واخدين أحكام بـ 20 سنة و15 سنة، فواحد منهم انهار لما أنا أخدت الحكم وقالي انا هاخد الخمس سنين بتوعك، وده خلاني انهار».

وأضاف: «أخدوني على سجن طرة فوجدت جمال وعلاء مبارك وحبيب العادلي وده هون عليا الموضوع جدا، كنا طول اليوم بنلعب رياضة في الجيم اللي عمله احمد عز وبنصلي في الجامع اللي عمله هشام طلعت مصطفى، فكان في رفاهية كبيرة».

وتابع: «لكن الزنزانة كانت بتتقفل عليا من الساعة 5 مساء حتى 7 صباحا، فمكانش قدامي حاجة تانية غير إني اقرأ قرآن وأصلي الصلاة في أوقاتها، كنت في حياتي العادية بصلي لكن مش كل الصلاوات، لكن من ساعتها بصلي الخمس فروض في أوقاتها وبقرأ سورة يس كل يوم وسورة الكهف كل جمعة، فأنا حاسس غن ربنا ابتلاني بهذا العقاب لأتقرب له».