أول تعليق لزوج ألفت عمر على اعتذاره لها في شاشة إعلانية أمام الجميع.. فيديو

بعد أن أثار اعتذاره لزوجته  في شاشة إعلانية ضخمة أمام الجميع، ضجة واسعة، أكد خبير التجميل أحمد لطفي، زوج الفنانة المصرية ألف عمر، أنه لم يكن يتوقع كل هذه الضجة التي حدثت على ما فعله.

زوج الفنانة المصرية قال: «إحنا في خلاف بقالنا 6 شهور، وتدخل أصدقائنا المقربين ليحلوا الخلاف اللي بينا بس الموضوع كان كبير، ففكرت في فكرة الاعتذار أمام الشعب كله، ومكنتش مستني الرد».

وأضاف: «في ناس كتير أيدتني في اللي أنا عملته وفي ناس شتمتني بشكل كبير على مواقع التواصل ومش عارف ليه، أنا اعتذرت والاعتذار قوة مش ضعف، إحنا مشاكلنا وصلت المحاكم وألفت رفعت عليا قضية طلاق، فكان الاعتذار على قد الحدث».

وتابع، خلال مداخلته الهاتفية في برنامج «العاشرة مساءا»، أثناء حلول زوجته ضيفة على الحلقة: «ألفت إنسانة راقية جدا وتستاهل إني اعتذر لها أمام مصر كلها، ومش عيب إن الواحد يحافظ على بيته».

فشاركت الفنانة المصرية في الحديث، وقالت: «اللي عمله ده كبره في نظري جدا، وكان ليه تأثير قوي عليا، وخلاني أتنازل عن قضية الطلاق، ورجعنا نتكلم تاني ونشوف هنعمل إيه في حياتنا».