محمد هنيدي يدعم حملة «ديزني بالمصري».. ويطالب جمهوره بالمشاركة بها

عبر الفنان المصري محمد هنيدي عن دعمه الشديد للحملة التي أطلقها عدد من الشباب للمطالبة بعودة دبلجة أفلام ديزني باللهجة المصرية.

هنيدي طالب جمهره في مصر والوطن العربي بالمشاركة في هاشتاج #ديزني_بالمصري، وقال: «تابعت الحملة ولقيت ان دول الخليج كلها والدول العربية بتطالب بده عشان كدة عايزين نوريهم ازاي الدبلجة المصرية علقت معاهم.. اخوتنا من الخليج وباقي الدول العربية منتظرينكوا على الهاشتاج #ديزني_بالمصري».

وأضاف: «ما هو مش هينفع نشوف الجزء الجاي من Toy Story من غير صوت استاذنا يحيي الفخراني.. وبما ان Finding Dory هينزل خلال أسابيع فطبعا ميانفعش غير الجميلة عبلة كامل تعمله بالمصري».

وأكد أنه في حالة عودة الدبلجة باللهجة المصرية سيشارك بها، حيث قال: «طب يا جماعة في حالة رجوع ديزني للهجة المصرية هكون من أول ناس إن شاء الله يرجعوا للدبلجة.. من أحسن الأوقات طول فترة عملي كانت الفترة اللي قضتها في الدبلجة بداية من أفلام ديزني حتى سوبر هنيدي».