طليق علياء عساف: دي مش أول غلطه ليا.. ومش هدخل حياتي حد مش من بيئتي تاني
وجه طليق الفنانة المصرية علياء عساف، رجل الأعمال محمد عماد الدين، اعتذارا لأهله وأصدقائه، على كل ما حدث من جدل حول طلاقه من الفنانة، وذلك على حسابه الخاص على «انستجرام».
طليق علياء قال: «انا بعتذر لامي لكل اصحابي واهلي وحبايبي عن اي افترائات سمعوها ضايقتهم وجرحتهم من ناس قالو انهم متربيين على الاصول و كتيير منكم طلبوا اني ارد وفي حاجات رديت فيها علشانكم وفي حاجات تجاهلتها وده الي هعملوا من هنا ورايح وكل اناء ينضح بما فيه و مش عايز اغلط تاني واغلي الرخيص».
وأكد أنه أخطأ عندما تزوج علياء، والتي وصفها بأنها ليست من بيئته ولا مستواه الاجتماعي، حيث قال: «وعايز اطمنكم انا الحمد لله في اسعد وانجح لحظات حياتي وربنا وابويا وامي رضيين عني .انا غلطت ودي مش اول غلطه ليه اني احاول اجيب حد مش من بيئتنا ومش زينا واخليه مننا دايماً الفئه دي بتصعب عليا وبحاول اني اجيبهم حياتنا بس منفعش وانا بعترف بده وانا بشكر كل الناس الي ساعدوني فده اهلي واصحابي وكل الي عصر على نفسه لمونه واتعامل بس علشان بيحبني وعايز يرضيني».
وأضاف: «اوعدكم الغلط ده مش هيتكرر مره تانيه وان شاء الله اختياري المره الجايه هيكون من وسطنا ومن الناس الي شبهنا. وبالنسبه للي مصدقين انا هاقول جملتين اتفرجوا على صور #علياء_عساف (........) قبل الجواز وصور عليا (الهانم) بعد الجواز واتفرجوا علي اعتذار الكاتبه الكبيره سهام شعبان بعد ما تفهمت الحقيقه وجاوبوا علي نفسكم».
ووجه نصيحة لكل الأمهات، بقوله: «وفي الآخر عندي نصيحه لكل الامهات والبنات علموا بناتكم ان الجواز مش وثيقه تأمين علي الحياه لا لا لا الجواز هو الحياه. متقوليش لبنتك انها تضمن مستقبلها بالمؤخر والمقدم والشبكه علشان لما (تطلق) ولا لما يموت.. علموهم الجواز الي ربنا علمهولنا السكن والاسره والاستقرار والاطفال و التربيه والتعليم وحسن الختام.. نقطه ومن اول السطر».
