مصطفى شعبان يفاجئ والدة ضابط شهيد.. شاهد

لبى الفنان المصري مصطفى شعبان طلب والد الشهيد النقيب هشام شتا بأن يقوم بعمل زيارة لزوجته والدة الشهيد، بعد أن رأته في أحد أفلامه والذي يحمل اسم «»كود 36"، وتخيلته ابنها الراحل.

الإعلامية إيمان الحصري روت تفاصيل الواقعة، على حسابها على موقع «الفيس بوك»، بقولها: «الحكاية بدأت برسالة من والد الشهيد النقيب هشام شتا ( و النقيب هشام شتا للي ميعرفوش واحد من ١٤ ظابط و فرد شرطة استشهدوا في مذبحة كرداسة الشهيرة في ١٤ اغسطس ٢٠١٣ ) بيحيكلي في الرسالة ان والده الشهيد هشام بعد ما شافت فيلم اسمه كود ٣٦ بطله الفنان مصطفي شعبان و اللي في شبهه كبير جدا جدا من ابنها الشهيد وبالصدفة كمان في الفيلم ده كان عامل دور ظابط شرطة بدأت تبكي بحرقة و تنادي عليه وتحضن الشاشة وتقول ده هشام !!».

وأضافت: «و هو نفسه يسعدها و يفرح قلبها و لو لدقائق فلو ممكن ان مصطفي شعبان وانا نزورها في البيت لانها لو شافته هتشوف فيه ابنها و هتبقي سعيدة و دي أمنيه لها بس هو بيبعت الرسالة من وراها عشان لو وافق تبقي مفاجأة و لو رفض ما تزعلش . انتهت الرسالة».

وتابعت: «وصلت لمصطفي شعبان اللي كان صعب الوصول اليه عشان بيصور شغل رمضان و من غير تفكير او تردد الحقيقة اول ما عرف الحكاية وافق علطول علي الزيارة و كان متحمس جدا و حددنا الميعاد مع والد الشهيد اننا هنروح النهاردة .. الأب قرر يعملها مفاجأة للأم و فهمها ان زملاء هشام (الله يرحمه)جايين يزوروها و كانت محضرة سفرة كامله احتفالا بيهم».

وأضافت: «الحقيقة المشهد اللي فتحت فيه الباب و لقت قدامها مصطفي شعبان و الله العظيم مش لاقيه اي كلام يوصفه !!.. بس ممكن كل واحد يتخيل حجم المفاجأة والدهشة والدموع و الوجع والفرحة و الالم و الامل لأم اعتقدت و لو لدقائق أن ابنها عاد الي حضنها !».