راندا البحيري تدافع عن علي ربيع وتوجه نصيحة له

عبرت الفنانة المصرية راندا البحيري عن استيائها الشديد من الهجوم الذي يتعرض له الفنان الكوميدي الشاب علي ربيع كل فترة.

راندا قالت: «ليه السنتين اللي فاتوا لما كان علي ربيع بيظهر وبينور وبيبان عليه أنه هيكون نجم في القريب العاجل في نفس الوقت كان في ناس بتحاول توقعه وتهدمه ويتريقوا كمان على اللي بيحبوه؟!».

ودافعت عنه بقولها: «لما نزل لـ علي مسلسلات في رمضان اللي فات الناس كانت متربصاله والسنة دي مع أول بطولة في السينما يقولك معاه جاردات.. على فمرة الجاردات دول كانوا متصورين مع كل الناس.. ودي جاردات بتبقى يا إما تبع السينما اللي معمول فيها العرض يا إما تبع الجهة المنتجة.. علي ماشي على طول لوحده اقسم بالله ولا بيعرف يضايق حد وبيتكسف أصلا».

وأضافت: «ودلوقتي ومع أول بطولة تلفزيونية كمان بيطلعوا أخبار غلط علشان برضه يضايقوه.. علي ربيع ما اتغرش ولا اتغير ولا شاف نفسه ولا اي حاجة من اللي بيحاولوا يروجولها.. علي قمر وطيب ومافيش زيه.. انا مبقولش غير الحقيقه. و غير اللي بشوفه بعيني. و حسبي الله و نعم الوكيل في أي حد أتكلم عن علي_ربيع او جاب سيرته ب حاجه وحشه. و مسير الدنيا تردله الكلام ده. انا مشوفتش في جدعنته و اخلاقه و تواضعه».

ووجهت نصيحة له، بقولها: «علي_ربيع سيبك من كلام الناس. انت بتعامل ربنا و ربنا هيفضل معاك طول ما انت معاه».