أمير طعيمة يدافع عن رامز جلال ويكشف تفاصيل عن حلقاته

بعد عرض البرومو الرسمي لبرنامج "رامز بيلعب بالنار"، وجه الشاعر الغنائي أمير طعيمة، رسالة لجمهوره عبر صفحته الشخصية بموقع "فيس بوك"، دعاهم فيها لمتابعة البرنامج.

أمير طعيمة، قال: "بما إن رامز جلال متقل إيده شوية السنة دي وبما إن الموضوع فيه حرايق وانفجارات عايز أوضح حاجة: بعد أول حلقة قبل ما تقول حرام يعمل كده في الناس و ده هزار دمه تقيل و فلان جراله و فلان حصله لازم تبقوا فاهمين إن طالما الحلقة طلعت هوا يعني الضيف نفسه وافق عليها وما عندوش مانع من عرضها، قانونا من حق الضيف يرفض عرض الحلقة لو مش عايز”.

وأضاف: "وبما إن أبوها راضي ورامز راضي يبقي اتفرجوا واستمتعوا لأن الراجل ده بيتعب في شغله وبيحترم جمهوره وهدفه إسعادهم، أنا شخصيا ما بفوتش حلقة وما بيصعبش عليا حد طالما الضيف نفسه في النهاية شايف إنها حاجة مسلية وتستحق عرضها علي الناس”.