بعد اتهامه بمحاربة السقا.. محمد عادل إمام يرد

رد الفنان المصري محمد عادل إمام، على أحد «المانشيتات»، التي نشرت أمس، تحت عنوان «محمد إمام يستعرض قوته على السقا ويهزم شعبية محمد رمضان».

محمد إمام، قال عبر صفحته الشخصية بموقع «فيس بوك»: «أنا باشكر كاتب المقال على حماسه ليا بس طبعاً مع اعتراضي على المانشيت وكنت حابب أوضح حاجة بالمناسبة دي، ان اول اتنين هنأوني على إيرادات الفيلم كان أخويا الكبير احمد السقا وأخويا الصغير محمد رمضان، زي مانا كنت دايماً باهنيهم على نجاحتهم».

وأضاف: «يا جماعة احنا كلنا في الوسط ده عِشرة عمر وواكلين مع بعض عيش وملح، احنا ليه دايماً بنقارن نجاح بنجاح او لو حد نجح بنقلل من نجاح التاني!؟».

وتابع: «ربنا هو اللي بيوزع الارزاق وما حدش بياخد رزق حد، وكل المنافسات دي في صالح الجمهور في الاخر لأنها بتدفع كل واحد انه يعمل أعمال حلوة تعجبكم، بتمنى ان كل الأفلام تجيب أعلى الأرقام وان الجيل ده يقدر يغيّر شكل السينما المصرية، احنا فعلاً أصحاب وحبايب فأرجو عدم إثارة اي فتن او ضغائن وخلينا نشتغل في هدوء».