أصالة تكشف تفاصيل خناقة ابنها الصغير مع حبيبته.. ونصيحة شقيقه التوأم له

كشفت الفنانة السورية أصالة الكثير من المعلومات عن ابنها «علي»، ومن بينها أنه يتمتع بموهبة الرسم، هذا بالإضافة إلى أنه يعيش قصة حب مع فتاة صغيرة.

أصالة كشفت تفاصيل طريفة عن خناقة «علي» مع حبيبته، بقولها : «علّوشه بيحب، وأكيد كونه رسّام موهوب بيحب زيادة عن العادي، تخانق من مدّه مع حبيبته وقال ماله غير أختها يشتكيلها منها، اتّصل فيها من الموبايل اللي شايفينه بالصوره وقعد يفضفضلها، والحقيقه إنّه اتصل بأختها لأنّه كمان صحاب معها، وقامت طلعت أختها عصبيّه وقالتله كلام عن جد بايخ، هلّأ هوّه كان شوي فاقد وعيه ( لأنّه كتير معلّق بحبيبته ومتخانق معها خناقه كبيره بنفس الوقت )».

وأضافت: «أنا الحقيقه سمعت غصبن عنّي المكالمه وحاولت لطّف الأجواء، وعلوشتي بس يخلص من شوية التعصيب بيهدا وبيبتدي يفكّر وبيعتذر، وعلّوشه لمّا بيعتذر بيتصدّق لأنّه تاريخه بيشهدله، وبعد مابعت رساله لأختها اللي هيّي بنوته مو سهله ومو كتير طيبه متل ماكان هوّه مفكرها، ومفادها إنّه بيعتذر طبعاً وللأسف بالإنكليزي ( لسّه مابيعرف يكتب عربي )، بعتتله الأخت رساله واللي هوّه بالصوره بيقراها ، وكمان كانت بذات اللغه ، قاسيه وقويّه وكلام بمنتهى الغرابه».

وكشفت عن نصيحة شقيقه التوأم «آدم» له، بقولها: «المهم تصالح هوّه وحبيبته وضلّت علاقته بأختها سيئه للغايه لدرجة إنها لو جنّت عالساندويتش تبعه بالمدرسه مابيعطيها عضّه، وقلّه أدّومي(ياأخي ماكان فيه داعي تدخّل حدا بينك وبين حبيبتك ، شوفني أنا لهلّأ ماحدا بيعرف مين حبيبتي أصلاً».