شيماء سيف تكشف: فنانة وراء شائعات انسحابي من «نفسنة».. والجمهور: عرفناها
بعد انتشار الكثير من الشائعات مؤخرا حول انسحاب الفنانة الشابة شيماء سيف من برنامج "نفسنة" بعد اشتباكها بالأيدي مع الفنانة هيدي كرم، كشفت شيماء عن معرفتها بالفنانة التي تقف وراء تلك الشائعات.
شيماء كتبت على حسابها الخاص على «الفيس بوك»: «بعد البحث والتنقيب عن من ورا كل تلك الإشاعات ظهرت الرؤية بالدليل القاطع والأدلة والمكالمات المسجلة فنصيحة لكل صحفى اتأكد قبل ماتكتب ومش كل واحدة بتسمى نفسها ممثلة هتقول كلام على غيرها نصدقه ونجرى نكتبه باعتبار أنها مصدر فاسمحلى ابلغك مفهومك عن المصدر الصحفى خاطئ وده اسمه شغل المصطبة».
وأضافت: «اما للاخت الفاضلة فانا ممكن بسهولة انزل المكالمة إلى متسجلالك من الصحفى الى ساعة الجد خاف وباعك فى أول محطة و لما قررت اجيبها جيبتها فى اقل من ربع ساعة وأبين انتى ايه بس انا أرقى من ده ومش هدخل نفسى فى دايرتك الحقيرة عشان والله مافضيالك فكفاية #انكسار واشحنى الباقة واتفرجى على شوية حاجات من الى بتحبيها عشان تتلهى فحاجة بعيد عننا وبلاش انا».
جمهور الفنانة المصرية تكهن من كلامها أنها تقصد الفنانة انتصار، والتي كانت تقدم معها برنامج «نفسنة» قبل انسحابها منه، وما جعل الشكوك تتجه نحو انتصار، قول شيماء: «كفاية #انكسار».
وكانت شيماء سيف قد نفت كل الشائعات التي ترددت مؤخرا عن برنامج «نفسنة»، بقولها: «السادة الصحفيين إلى فى بعضهم وده عشان منعممش معدومى الضمير لمجرد اننا مردناش عليهم فى موضوع هل انا سبت برنامج نفسنة او لا قرروا يخترعو قصة من وحى خيالهم وينزلوها ومحدش فيهم احترم أن يكون فعقدى بند يمنعني انى اتكلم عن البرنامج وانا بحترمه».
وأضافت: «هما عايزين خبر سخن وخلاص وده اسمه قلة احترام عموما ده تكديب من هيدى للخبر ونفس الشئ منى لأننا فنانين محترمين وعمرنا ما نوصل لكده وسبت البرنامج او لا ده سؤال هتتعرف إجابته مع عرض الحلقات فياريت محدش يستعجل ولو حصل وسبت البرنامج فهيكون لأسباب تانية خاااااالص فبلاش تأليف عزيزي الصحفى من فضلك».