نصائح فيفي عبده للمرأة كي تحافظ على زوجها.. فيديو

وجهت الراقصة المصرية فيفي عبده مجموعة نصائح للسيدات لمساعدتهن في المحافظة على أزواجهن وبيوتهن.

فيفي نصحت المرأة أن تبتعد عن النكد وأن تكون واثقة بنفسها، حيث قالت، خلال استضافتها ببرنامج «90 دقيقة» على قناة «المحور»: «لما الرجل يقولك الست دي حلوة قوليله اه حلوة لو كانت فعلا حلوة، بحب الست اللي متبقاش غيارة وتبقى واثقة في نفسها، وتسيب للراجل مساحة للتنفس، ما تكتميش على أنفاسه على طول».

وأضافت: «لازم الست تصاحب جوزها ده ما يخليهوش يزهق منك أو يخاف يقولك على حاجة، وما تبقيش نكدية لأن الراجل ما بيحبش كده، ولما تقابليه ماتقابليهوش بكل المشاكل، ركزي انك تقابليه بابتسامة حلوة وتكوني لابسة حلو اعمليله حياة حلوة في البيت علشان يحب البيت ويقعد فيه بدل ما يقعد على القهوة او واحدة تلهفه منك».