إنجي المقدم تحيي ذكرى وفاة والدها بصورة ورسالة مؤثرة.. شاهد

أحيت الفنانة المصرية إنجي المقدم ذكرى وفاة والدها الـ18، وذلك على حسابها الشخصي عبر موقع «أنستجرام».

إنجي نشرت صورة لها مع والدها وعلقت قائلة: «انهارده سنوية ابويا التمنتاشر .. الراجل الطيب الكريم اللذيذ ابو دم خفيف المحب للحياة .. اكتر واحد شفته بيحب الدنيا و الضحك و يحب يعيش و يتبسط و يبسط كل اللى حواليه .. كان حنين و عامل زى الأطفال حتى فى زعله و عصبيته .. كل الناس كانت بتحبه كبار و صغيرين و كل اللى يعرفوه ليهم معاه ذكرى حلوة".

وأضافت: "الله يرحمك يا ابويا وحشتنى اوى .. كان نفسى تشوف ولادى كنت هتكون الذ جد فى الدنيا كلها .. بس انا عارفة انك مبسوط و بتضحك زى عوايدك و عايشها هناك بالطول و العرض يا رودى".

واختتمت رسالتها قائلة: "امانة عليكم اقروا الفاتحة على روحه فى الأيام المفترجة دى".

جمهور إنجي قام بمواساتها في عدد كبير من التعليقات ودعا لوالدها بالرحمة والمغفرة، ولاحظ البعض وجود شبه بينهما.