شذى تتضامن مع زينة في قضيتها مع أحمد عز وتكشف سر صمتها طوال الفترة الماضية

ردت الفنانة المصرية شذى، على الانتقادات التي تعرضت لها خلال الفترة الماضية بسبب عدم كشفها عن موقفها في قضية الفنانة زينة في إثبات نسب توأمها للفنان أحمد عز.

شذى، قالت في بيان نشرته عبر صفحتها الشخصية بموقع «إنستجرام»: «توضيح لموضوع كنت عايزه اتكلم فيه من زمان جدا وكنت مستنيه شغلي ينزل علشان ميتفهمش اني بعمل شو على حساب صاحبتي اللي بعتبرها أكثر من أختي وعمري مهنسى ليها وقفتها جنبي وقت وفاة أمي وابويا أنا عمري مكنت في صف أحمد عز وعمري مكنت طرف محايد يمكن كنت لما بتسأل برد بإجابات مختصرة علشان الموضوع كان في إيد القضاء وعلشان مش زينة اللي أطلع على حساب مشكلتها وأعمل تصريحات صحفية أبروز بيها نفسي خالص».

وأضافت: «أكيد كنت في طرف زينة لان أكيد في داخليات بحكم قربي من زينة أعرفها عنهم كان نفسي زينة تاخد حق أولادها وكنت اتمنى إن عز من أول يوم يكون واضح ويحل الموضوع من غير اللي حصل ده كلوا لان في طفلين ملهومش أي ذنب فمستحيل كنت أكون موافقة على موقف عز والهرتلة اللي حصلت لأني بنت وسواء اللي بيشوف الكلام ده اختلف أو اتفق معايا فيه بس مش مقبول إن راجل يستقوي على ست لان معروف إن الراجل هو اللي بيكون أعقل خصوصًا لو كان كمان أكبر في السن من الست وكان ممكن هو من الأول ميوصلش الدنيا لكده وكان في 100 حل ممكن يحصل بدل العند اللي على حساب طفلين بس أنا بس حبيت أوضح موقفي علشان في ناس كتير بترغي إني وقفت ساكتة وحاجات كده أحب أقولهم  صلي على النبي في قلبكوا علشان دي مش بس صاحبتي دي اختي وعمري ماهنسى ابدًا وقفتها جنبي وأنا في أصعب اختبار من ربنا وهو وفاة امي وأبويا».