حمدي الميرغني يروي قصة «سنته المكسورة».. فيديو

قص الفنان المصري الشاب حمدي الميرغني على الجمهور تفاصيل الحادث الذي تسبب في كسر سنته الأمامية.

حمدي قال، في البرنامج الإذاعي «معاك في السكة»، الذي يقدمه الإعلامي خالد عليش: «ناس بتقولي مش هتركبها ليه، بقولهم أنا بكسب بيها تعاطف الناس، وبيقولوا يا عم نضحكله ده غلبان وسِنته مكسورة، القصة بقى إني كنت سايق عجلة بتاعة واحد قريبي، كان عندي 6 سنين وفي ثانية ابتدائي، وبسوق العجلة وبعمل يوتيرن بيها وأنا سويق شوية في العجل».

الفنان الشاب تابع: «سيبت إيدي ووقفت على البدال ولقيت طوبة تحت العجلة فنزلت على القايم بتاع العجلة نفسه وبوقي كله دخل في الجدون، فراحت السِّنة اتكسرت حتة من اللي تحت كانت نص سنة، والدكتور شال لي النصف التاني من غير بنج، وصويت بقى وقتها».