أحمد عيد: وقعت في حب فنانات

كشف الفنان المصري أحمد عيد، عن سبب غيابه عن الساحة الفنية خلال الفترة الماضية، وعدم مشاركته في أي عمل فني يعود به من جديد إلى جمهوره.

أحمد عيد قال خلال تصريحات له: "خلال السنوات التي لم أعمل بها كنت متابع الساحة الفنية، وبشوف وبتفرج والمشهد الفني تغير، في نجوم جدد طالعين، بس الفن زمان في الستينات والسبعينات أحسن من دلوقتي، كان فيه إتقان في الشغل، وبعتبر نفسي هاوي ومش بالضرورة أشتغل كل سنة، لكن باشتغل عندما أشعر أني عايز أعمل حاجة".

الفنان المصري أضاف: "لست راضيا عن حياتي لأنها مليئة بالأخطاء وبها حاجات غلط كتير، والواحد كان نفسه يبقى إنسان أكتر من كدة.. كان نفسي الظروف تكون أحسن من كدة، يمكن كنت أستطع أفعل شيئا.. خايف أمر في الحياة كالسراب".

وأضاف: "ممكن أكون إنسان جبان، كان نفسى محسش إحساس الجبن أو العجز بمعنى إني أقدر أتخذ مواقف عايز أخدها بس مش قادر.. وصدمت عاطفيا وده من الأسباب التي دفعت الواحد إنه ميرتطبتش لحد دلوقتي.. فكرت كتير في الارتباط بس مفيش نصيب وممكن ميكونش فيه نصيب خالص.. ولا أكره المرأة، بالعكس المرأة كل حاجة الأخت والأم والابنة وبحبها جدًا.. وحبيت قبل كدة كتير.. بعضهن فنانات وأخريات من خارج الوسط.. وأعشق الوحدة وكل ما بعاشر الناس بيزداد حبي للوحدة".. وفقا لحواره بـ"اليوم السابع".