أصالة ليسرا: ما حدا بيعمل هيك

روت الفنانة السورية أصالة موقف جمعها بالفنانة المصرية يسرا، كشفت من خلاله عن طيبة قلبها وروحها الجميلة.

أصالة قالت: «مبارح كنت راجعه من وطني الحبيب الطيّب البحرين ولقيت بمطار القاهره يسرا الغير عاديّه وغير عاديّه ليش؟ رح خبّركم.. كانت معزومه على عشا وتأخّرت الشنط ولمّا وصلت شنطنا طلعنا برّه وللأسف تيتو علق بزحمه وهوّه جايه ياخدني من المطار ويسرا سيّارتها برّه وأنا معي شنط مابيساعوا معها بالسيّاره فاشكرتها على دعوة التوصيله وقلتلها رح أستنّى تيتو وودّعتها».

وأضافت: «ولكن ماقبلت تتركني وانتظرت معي بسيارتها أكتر من نص ساعه بإصرار منها غير عادي ، وفتحت مواضيع وضحكنا وماحسّستني ولا ثانيه بإستعجالها، وكوني بسافر كتير وبيتأخّر عليّي تيتو مرّات وبيكون معي مرّات صحاب أو معارف ، حقيقي ماحدا بيعمل هيك بهالطريقه السوبّر راقيه وحسّاسة».

أصالة شكرت يسرا على هذا الموقف الراقي، وتغزلت في شبابها الدائم، بقولها: «يسرا غير حقيقي يسرا غير ومن حقّ الزمن يتضامن معها لتبقى صبيّة هالحياة لأنّه قلبها وروحها وضميرها كذلك».

وكانت أصالة قد عبرت من قبل عن إعجابها الشديد بأداء الفنانة يسرا في مسلسلها الأخير «فوق مستوى الشبهات»، والذي عرض في شهر رمضان الماضي.