مي كساب تعلن تضامنها مع تامر حسني بصورة صادمة لها قبل الشهرة.. شاهد
بعد السخرية من صورة نشرها الفنان تامر حسني قبل الشهرة، أعلنت الفنانة المصرية مي كساب تضامنها مع تامر، وقامت بنشر صورة قديمة لها أيضا قبل شهرتها.
مي وجهت رسالة لتامر، قالت فيها: «تضامنا مع طموره ولا تزعل نفسك أبدا يا تامر يا حسني كل واحد مننا عنده صوره وهوه صغير شكله فيها لا يسر عدو ولا حبيب واحنا حريين.. المهم علي رأيك الولد الصغير بقي راجل وأنسان وفنان كلنا بنتشرف بيه اسمه #تامر_حسني».
وسخرت من شكلها في الصورة، حيث كتبت، على حسابها على «انستجرام»: «انا طبعا في الصوره دي كنت شايفه نفسي الشحروره ضاربه الأكسجين وضاربه البودرة السمر كيك وشايفه نفسي فاتنه طنطا».
وكان تامر حسني قد رد على السخرية من صورته قبل الشهرة، بقوله: «لمن يهمه الأمر .. من يومين نزلت صوره ليا وانا صغير وشغلت ناس كتير وفضلوا يتريقوا على الصوره في الحقيقه اني فالوقت ده فعلاً كنت بحاول اقلد المشاهير في صورهم وافلامهم وحراكاتهم وبغض النظر عن ان فالوقت ده كانت الموضات شبه كده وانا بقول شبه كده لأني كنت ولد صغير معندوش فلوس نهائي يشتري لنفسه حاجه غاليه ولا عنده اب يشتريله حاجه اصلاً».
وأضاف: «اللي عايز اقوله اني من يوم الصوره دي وانا حالف اني اتصورها بجد وانا مشهور الصوره دي بتثبت لأي شاب ايجابي ان مفيش مستحيل واللي عايز يتريق على الولد اللي فالصوره هقوله يارب تنجح زيه انا فخور بالصوره دي وانهارده بقول للولد الصغير ده انت راجل عشان حلمت بحلم وحققته وبدأت من تحت الصفر ووصلت لحلمك بمجهودك وعرقك وكمان اشتغلت شغلانات كتير فيها شقى وتعب عشان تصرف على اهلك من وانت فالسن ده شكراً يا ولد يا صغير اصرارك عمل مني راجل انسان فنان اسمه تامرحسني».
