ريهام أيمن توجه رسالة قاسية لمنتقديها بسبب صور نجلها

وجهت الفنانة المصرية ريهام أيمن، زوجة الفنان شريف رمزي، رسالة خاصة لمنتقديها بسبب عدم نشرها صور لطفلها رمزي من وجهه والاكتفاء بنشر صورة من الخلف.

ريهام أيمن، قالت عبر صفحتها الشخصية بموقع «إنستجرام»: «هو أنا بطلب أشوف ولاد أي حد فيكو أو ولاد أي مشاهير حتى أكيد لا عشان مش من حقي، لما تحب فنان أنت بتحبه هو لفنه و أعماله اللي بتشوفها و لما تحب تشوف صور هتبقى ليه هو مش لولاده أنا ابني مش فنان ولا مشهور عشان تحبوا تشوفوا صور ليه علي صفحتي أنا.. لما يكبر و هو يأخد قرار إنه عايز يبقي مشهور هتشوفوا صور ليه علي صفحته الشخصية إن شاء الله، لكن أنا مبخفش من الحسد و مفيش حد هيحسد فنان بيحبه بالعكس هيفرحله و يتمناله الخير هو و ولاده و ده اللي انا متأكده منه».

وأضافت: «ياريت و أنت بتكتب تعليق لأي فنان حط نفسك مكانه الأول هتلاقي إن أنت نفسك متقبلش حد يقولك تعمل إيه و متعملش إيه في حياتك الشخصية بمعني أدق الغير فنية و إن ده الأكاونت بتاعك أنت تنزل اللي أنت عاوزه طالما مش بتضر حد و اللي مش عجبه حاجة أو مستفز من شئ بسيطة بس يعمل unfollow أسهل من إنه يكتب تعليق، ربنا يخليلكوا ولادكو اللي أكيد كلهم حلوين أوى و يحفظهم لكم دايماً من كل شر و يشفي كل الأطفال المرضي و يعين أهاليهم أمين يا رب....مع حبي و إحترامي للجميع».