محمد هنيدي: كنت بمشي وأنا نايم.. وهذا الفيلم خلصني من عقدتي.. فيديو

صدم الفنان المصري محمد هنيدي جمهوره بكشفه أنه كان يمشي ويتكلم وهو نائم في فترة من حياته.

هنيدي قال، خلال استضافته في برنامج "عيش الليلة" على قناة DMC: "كنت بتكلم وبمشي وأنا نايم في فترة الطفولة بس مش لحد دلوقتي، كنت أقوم أتكلم وأرغي مع ناس وأنام أصحى مافيش حاجة شوفتها من اللي حصلت، قعد الموضوع ده فترة وخلاص ومش عارف سببه إيه".

وخلال الحلقة تحدث الفنان المصري عن كواليس أفلامه، ومن بينها فيلم "فول الصين العظيم"، حيث أكد أن هذا الفيلم خلصه من فوبيا المرتفعات التي كان يعاني منها.

حيث قال: "أنا كان عندي فوبيا من الارتفاعات بس الفيلم ده هو اللي خلص الموضوع بالنسبة لي، لاني كنت على ارتفاع 21 متر وانفجار وراك خلاص هيحصل إيه بعد كده؟".

وكشف أنه أثناء تصويره الفيلم في الصين كان يجد أسواقا كبيرة وغالية الثمن لبيع الصراصير والضفادع، مشيرا إلى أنه في مشهد أكل الصراصير كان الفنانون الصينيون يأكلون الصراصير بالفعل.