اقرأ رسالة رويدا عطية للفانز بعيد ميلادها.. شاهد

فتحت الفنانة السورية رويدا عطية قلبها لمحبيها بمناسبة عيد ميلادها، وشكرتهم على دعمهم لها منذ بداية مسيرتها الفنية في رسالة مؤثرة علقت بها على صورة كرتونية للفنانة أهداها لها أحد محبيها.

رويدا التي أكملت عامها الـ35 كتبت: «بالبدايات كنت دايما ومازلت احمد ربنا على الصوت وقول يارب ديمها نعمه، وبعد كم سنه صرت قول ناقص هالصوت شي لحتى الناس تعرفو، وهيك واجتني فرصه وربنا من سابع سماه، سخر الناس الي وبلش هالاسم يكبر ويكبر، ووين ما روح شوف المحبه بعيون الناس

ناس من سنين لليوم على المحبه وما تغيرت زادت اكتر واكتر واكتر، وتعلمت منن وطورت من نفسي وطورت من موهبتي لانو بطل الصوت اللي كان بين اربع حيطان، صارت الناس تنتطرو وتستناه، مراحل مرقت فيا انكسارات خيانات حب فشل بس نجاحات كانت ما بتخلص وبتعلم وبتترك اثر، وكله بفضل ربنا ودعاء الغاليه ومحبتكن، بعيدي مابعرف كيف عبر من الصبح وعم حاول رد وعم استحي قدام الكلام اللي عم يوصلني، بدمع شوي وبضحك شوي، بحس بالامان لانو ربنا طوقني بناس متل الملايكه، شكرا لثقتكن فيني اللي بتكبرني، وشكرا كمان لناس بتحبطني، لانو بيساعدوني اقوى وضل عم اسعى

محبتي الكن حبايب للي معنا وللي رحلو عنا، لمحمد بسنده اول عيد ما بيكون معنا اشتقنالك الله يرحمك يا اخي,شكرا وسام المبدع على التصميم الحلو، شكرا حبايبي شكرا.. انتو عيدي جنودي الشرفاء».

فانز رويدا تفاعلوا مع صورة ورسالة رويدا بتعليقات تمنوا لها فيها النجاح والسعادة والتوفيق بعامها الجديد.

من ناحية أخرى، طرحت رويدا عطية مؤخراً أغنية منفردة جديدة بعنوان «مهلك على مهلك» من كلمات أيهم الهترا، وألحان وتوزيع حازم كرم.