بعد دفاعه السابق عنها بهاء الدين محمد لشيرين عبدالوهاب: كفاية

وجه الشاعر الغنائي بهاء الدين محمد، رسالة للفنانة المصرية شيرين عبدالوهاب، وذلك بعد تصريحاتها الأخيرة ضد الفنان عمرو دياب طالبها فيها بالصمت.

بهاء الدين محمد، قال عبر صفحته الشخصية بموقع «فيس بوك»: «عزيزتى شيرين عبد الوهاب، إنتي عارفه أنا بعزك قد إيه ودافعت عنك كتير، وف نفس المكان اللي دافعت عنك فيه لحظة خلافك مع الفنان الملحن عمرو مصطفى، لازم دلوقت اقولك لا، وكفاية، وصمت، لأن عمرو دياب كيان كبير ومن الصعب تكراره، ده غير إنه واجهه لينا وللوطن العربي كله، وحتى لو حصل خلاف معاه لازم يكون بشكل لائق وغير معلن..!! لأننا بالفعل عمرنا ما سمعناه ولا شوفناه بيغلط ف حد أو زميل ده غير إن ماحدش فاهم ولا عارف هو عملك إيه؟!! ودى المشكلة».

وأضاف: «انتى والكل عارفين إني أكبر وأصدق من إني أجامل أو أنافق حد فيكم.. علشان كده لازم أقولك (( كفايه ياشيرين )) وخلى بالك وما تخسريش جماهيره اللي تجاوزت 90% من المجتمع العربي ويمكن أكتر، والمطلوب منك الصمت لأن الوقت مش وقت اعتذار».