أول تعليق لطليقة سامح عبدالعزيز الأولى بعد القبض عليه بتهمة حيازة مخدرات

علقت الإعلامية داليا فرج الدين، طليقة المخرج سامح عبدالعزيز، لأول مرة على قضية اتهامه بحيازة وتعاطي المخدرات.

طليقة سامح قالت: "طيب بالنسبه للاخوه الصحفيين إللى بيحاولوا يجيبوا رقمى و إللى جابوا بالفعل وما ردتش.. انا مش هارد على اى صحفى بشكل شخصى وكلمتى واحده وقلتها زمان.. و هاقولها تانى للتأكيد.. سامح مش بس ابو بناتى.. سامح صديقى واخويا وعشرة عمرى كله.. نتخانق .نزعل .نطلق.. اه .. لكن وقت الشده احنا الاتنين ضهر بعض.. واحد.. اللى يوجعه يوجعني.. واللى يسئ ليه يسئ لى.. و إللى يقول عليه كلمه اكله بسنانى".

وأضافت، على حسابها الخاص على "الفيس بوك": "سامح عبد العزيز أجدع وأطيب صديق فى الدنيا وأحن وأعظم اب.. و على فكره هو كمان لو حصل لى حاجه هو سندى و ضهرى زيه زى تامر ووائل.. ربنا هايفك كربه ويفرج همه وينصره.. علشان قلبه الأبيض.. وعلشان بناته.. واثقه فى ربنا.. ياجبل ما يهزك ريح.. خلص الكلام".

وعلى الجانب الآخر التزمت الفنانة المصرية روبي الصمت، ولم تعلق على ما حدث لطليقها سامح عبدالعزيز، والذي انفصلت عنه منذ فترة قصيرة.

يذكر أنه قد تم إلقاء القبض على سامح عبدالعزيز أثناء مروره بكمين في منطقة الهرم داخل سيارته الشخصية، حيث اشتبه به ضابط الشرطة وقام بتفتيش السيارة، ووجدت قوات الأمن داخل السيارة على مخدر البانجو، و12 جرامًا من مخدر الحشيش وكوكايين.